Vaia tropa

Agora que a dereita volta á carga contra a lei que garante a igualdade de dereitos para todos os cidadáns é un bon momento para recuperar unhas fermosas fotiños da manifestación do Foro da Familia de xuño. Esta primeira non precisa comentarios e amosa a intrínseca maldade destes autoproclamados cristiáns.



Esta segunda é a miña favorita. A familia unida loitando contra a sodomía. Liderada por un cabeza de familia como dios manda, un auténtico hombre de bien, un español de pro. Non hai máis que botar un ollo ao seu estilazo no vestir: polo rosa, dockers, náuticos, gomina... E fixarvos no símbolo de prohibido. Non quero nen imaxinar a explicación que lle soltaría ao seu filliño cando este lle perguntase que a onde ían e que significaba o símbolo de prohibido.



Pero non só do solarium vive a dereita. Tamén se podía albiscar outro estilo, máis rudo, o do típico facha currante. Ese que, apoiado na barra do bar ante o carajillo matutino de rigor, non pode conter o clásico "A estos había que matarlos a todos" cando sae Ibarretxe ou Carod-Rovira na TV do bar. E que feliz sae na foto coa súa prole, froito da ausencia de planificación familiar recomendada polo Vaticano.