A Regueifa Blog: Primeiro longo de COLECTIVO ORUGA no Netlabel

Fevereiro 12, 2007

Primeiro longo de COLECTIVO ORUGA no Netlabel

A primeira novidade galega de 2007 chega da man de Colectivo Oruga. Alex Mera e Iago Martinez son o núceo musical deste proxecto nascido en Ponteareas no que participan dende deseñadores gráficos até videocreadores. Nos oito temas que fan parte de Ricos Modernos os Oruga demonstran un dominio absoluto do pop electrónico en todas as súas vertentes, facendo incursións no trip-hop en temas coma Caciques e You Know e reivindicando a pista de baile noutros coma Dancing e Temptation, este último, con total certeza, futuro clásico do dance galego.

Máis info e descarga de balde do disco en www.aregueifa.net

Seja o primeiro a comentar

Postar um comentário

Assinar: Postar comentários (Atom)

Benvid@s ao blog de A Regueifa Plataforma, un netlabel sen ánimo de lucro dende o que todos aqueles creadores e creadoras que o desexen poden difundir, distribuir e amosar a súa obra libremente baixo licenza Copyleft. Non importa o que fagas (música, videocreación, fotografía, poesía, pintura, banda deseñada, cinema...) nen como o fagas, se é dixitalizábel e queres difundilo na Rede a través do noso netlabel simplemente escrébenos a info@aregueifa.net.

Dentro do proxecto e coa fin de apoiar a difusión do indie en galego nasceu en 2007 A Regueifa Discos, un novidoso selo discográfico que ten coma particularidade a de editar baixo licenza Copyleft e sen ánimo de lucro, ficando os grupos e artistas co 100% das ganancias obtidas pola venda da súa música.

A licenza Copyleft empregada polo netlabel para a edición das obras é a Creative Commons, permitindo copiar, distribuír e comunicar publicamente as obras e facer obras derivadas sempre que se cumpran as condicións especificadas na licenza.